मतदार यादीचा विशेष संक्षिप्त पुनरीक्षण सुधारित कार्यक्रम जाहीर
By kanya News ।।
सोलापूर : भारत निवडणूक आयोगाने दि.१ जुलै २०२४ या अर्हता दिनाकांवर आधारित छायाचित्र मतदार विशेष संक्षिप्त पुनरीक्षण कार्यक्रम (सुधारित-दुसरा) जाहीर केला आहे. त्यानुसार मतदार यादी विशेष संक्षिप्त पुनरीक्षण कार्यक्रमानुसार एकत्रिकृत प्रारूप मतदार यादी दि. ६ ऑगस्ट रोजी प्रसिद्ध केली जाईल. दि. ६ ऑगस्ट ते दि. २० ऑगस्ट २०२४ या कालावधीत दावे व हरकती स्वीकारल्या जाणार आहेत. दावे व हरकती निकाली काढण्याची मुदत दि.२९ ऑगस्ट २०२४ पर्यंत राहणार असून, दि. ३० ऑगस्ट २०२४ रोजी मतदार यादीची अंतिम प्रसिद्धी केली जाणार आहे.
भारत निवडणूक आयोगाच्या शिफारशीनुसार केंद्र शासन, विधी व न्याय मंत्रालय यांचेद्वारा निवडणूक कायदा (सुधारणा) अधिनियत, २०२१\ अन्वये लोकप्रतिनिधीत्व अधिनियम, १९५० मध्ये सुधारणा केल्या आहेत. तदनुषंगाने मतदान नोंदणी नियम, १९६० मध्ये देखील सुधारणा करण्यात आलेल्या आहेत. त्यानुसार चार अर्हता दि. १ जानेवारी, दि. १ एप्रिल, दि. १ जुलै व दि१ ऑक्टोबर या अर्हता दिनांकावर वयाची १८ वर्षे पूर्ण करणारे व त्यावरील सर्व नागरिकांनी मतदार म्हणून नाव नोंदणी करावी .
- सदर चार अर्हता दिनांकावर १८ वर्षे पुर्ण झालेल्या व त्यावरील सर्व नागरिकांनी www.voters.ecl.gov.in व voter helpline App (VHA) च्या माध्यमाने नांदणी करावा. मतदार यादीमध्ये आपले नांव आहे की नाही हे शोधण्यासाठी www.electorasearch.eci.gov.in या संकेतस्थळाचा वापर करावा. तसेच आपल्या क्षेत्रातील मतदार नोंदणी अधिकारी तथा उपविभागीय अधिकारी यांचे कार्यालय व सहा. मतदार नोंदणी अधिकारी तथा तहसिलदार यांचे कार्यालयाशी संपर्क साधावा किंवा मतदार केंद्रस्तरीय अधिकारी (BLO) किंवा दुरध्वनी क्रमांक १९५० यावरती संपर्क साधावा.
जिल्ह्यातील नागरीकांनी आगामी सार्वत्रिक विधानसभा निवडणूक २०२४ च्या अनुषंगाने आपली नांवे, फोटो, पत्ता व इतर बाबी मतदार यादीमध्ये तपासून घ्यावीत. ज्यांची दुरूस्ती असतील त्यांनी दुरूस्ती करून घ्यावी व ज्यां नागरिकांची नांवे मतदार यादीमध्ये नाहीतच अशा सर्व नागरिकांनी ऑनलाईन, बीएलओ व मतदार नोंदणी कार्यालय या ठिकाणी जाऊन आपली नांवे मतदार यादीत नोंदवून घ्यावीत. असे आवाहन जिल्हाधिकारी, कुमार आशीर्वाद यांनी केले आहे.