रंगसाधक प्रमोद खांडेकर करंडक लघुनाटिका (हास्यप्रहसन) स्पर्धा; सहा फेऱ्या आणि २८ संघ नोंदविणार सहभाग
कन्या न्यूज नेटवर्क ||
सोलापूर : अस्तित्व मेकर्स फाऊंडेशनच्या रविवार, दि. २७ जुलै २०२५ रोजी सोलापूर येथील हुतात्मा स्मृती मंदिर येथे रंगसाधक प्रमोद खांडेकर करंडक लघुनाटिका (हास्यप्रहसन) स्पर्धा: २०२५ या स्पर्धेचे आयोजन करण्यात आले आहे. सहा फेरींच्या या स्पर्धेत सोलापूरसह महाराष्ट्रातील पुणे, मुंबई, ठाणे, नाशिक, सातारा, कोल्हापूर, जळगाव, रत्नागिरी, लातूर, परभणी अशा विविध जिल्ह्यातून जवळपास २८ संघ सहभागी होणार आहेत. अशी माहिती महोत्सव समिती अध्यक्ष संजय सावंत व मुख्य संयोजक ॲड. बसवराज सलगर यांनी दिली.
सदर स्पर्धेचे यंदाचे हे दहावे वर्षे असून, ही स्पर्धा राज्यस्तरावर घेण्यात येणार आहे. अस्तित्व मेकर्स फाऊंडेशन आयोजित रंगसाधक प्रमोद खांडेकर करंडक लघुनाटिका (हास्यप्रहसन) स्पर्धा : २०२५ व अस्तित्व रंगसाधक पुरस्कार २०२५ अस्तित्व मेकर्स फाऊंडेशन, सोलापूर या संस्थेकडून दरवर्षी दिला जाणारा रंगसाधक पुरस्कार जाहीर करण्यात आला आहे. तो महाराष्ट्रातील प्रायोगिक रंगभूमीवर भरीव काम करणाऱ्या रंगसाधकास दिला जातो. यावर्षीचा पुरस्कार रंगकर्मी प्रा. डॉ. दिलीप घारे यांना प्रदान करण्यात येणार आहे. या पुरस्काराचे स्वरुप मानपत्र, स्मृतीचिन्ह, ११ हजार रुपये रोख रक्कम शाल, श्रीफळ असे आहे. सदर पुरस्कार निवड समितीमध्ये ज्येष्ठ रंगकर्मी संजय सावंत रंगकर्मी सुमित फुलमामडी, गोवर्धन कमटम यांचा समावेश होता.
अस्तित्व मेकर्स फाऊंडेशन सोलापूरच्यावतीने आयोजित रंगसाधक प्रमोद खांडेकर करंडक लघुनाटिका (हास्यप्रहसन) स्पर्धा : २०२५ महोत्सव समिती अध्यक्षपद ज्येष्ठ रंगकर्मी संजय सावंत यांना देण्यात आला आहे. सदर अध्यक्षांची निवड संस्थेचे मुख्य संयोजक ॲड. बसवराज सलगर यांनी केले आहे.
सदर स्पर्धेचे उदघाटन महोत्सवाचे अध्यक्ष संजय सावंत, ॲड. बसवरताज सलगर यांच्या हस्ते होणार आहे. रंगसाधक पुरस्कार वितरण सोहळा व बक्षीस वितरण हे महाराष्ट्राची हास्यजत्राचे लेखक व दिग्दर्शक सचिन गोस्वामी, ज्येष्ठ रंगकर्मी विद्या काळे, डॉ. सुहासिनी शहा, अमित कलगुंटकर, अविनाडा गोडसे, डॉ. केदारनाथ काळवणे, धीरज जवळकर (चित्रा हॉटेल), मिलिंद थोबडे, मिलिंद हिंगमिरे, अमित रोडगे, दत्ताजी गायकवाड आदींच्या उपस्थितीत होणार आहे.
सदरची स्पर्धा ही रविवार, दि. २७ जुलै २०२५ रोजी सकाळी ९ ते सायंकाळी ५ वाजेपर्यंत चालणार आहे. हा पुरस्कार वितरण सोहळा सायंकाळी ६ वाजता होईल. तरी ही स्पर्धा सोलापुरातील रसिक प्रेक्षकांसाठी खुली (मोफत प्रवेश) रहाणार आहे. सदर परिषदेस ॲड. बसवराज सलगर, संजय सावंत किरण लोंढे, सचिन जगताप, नितेडा फुलारी, सागर देवकुळे, वैशाली बनसोडे, निरंजन राऊळ, प्रतिक कसबे, ओंकार साठे, केदार देशमुख उपस्थित होते.