प्रा. सुदर्शन बिरादार : लिंगायत महासंघाच्या अतनूर शाखेची स्थापना
लिंगायत महासंघाच्या अतनूर शाखा अध्यक्षपदी सुधाकर मुगदाळे
कन्या न्यूज नेटवर्क ||
लातूर : एकेकाळी खूप वैभवशाली आणि नावारूपात असलेला वीरशैव लिंगायत समाज आज अडचणीत आला आहे. आज लिंगायत समाजाची सर्व स्तरांवर पिछेहाट होत आहे. शिक्षण, नौकरी, व्यापार, सामाजिक, राजकीय, आर्थिक आणि धार्मिक अशा सर्वच ठिकाणी वीरशैव लिंगायत समाजाचा आलेख हा खाली जात आहे. या पिछेहाटीला लिंगायत समाजातील राजकीय पुढारी आणि काही धर्मगुरूच जबाबदार आहेत, असे प्रतिपादन लिंगायत महासंघाचे प्रांताध्यक्ष प्रा. सुदर्शनराव बिरादार यांनी केले. ते लिंगायत महासंघाच्या जळकोट तालुक्याच्यावतीने अतनूर येथे आयोजित लिंगायत समाज बांधवांच्या एका महत्त्वाच्या बैठकीत बोलत होते. यावेळी लिंगायत महासंघाच्या अतनूर शाखेची स्थापना करण्यात आली. लिंगायत महासंघाच्या अतनूर शाखेच्या अध्यक्षपदी सुधाकर मुगदाळे यांची निवड करण्यात आली.
प्रा. सुदर्शनराव बिरादार म्हणाले, नेत्यांना पदे मिळवून सत्ता, संपत्ती मिळवायची आहे. जन्मभर सत्तेची पदे स्वतःच्या जवळ अन घरात ठेवायची आहेत. त्यासाठी ते समाजाचा फक्त वापर करतात. वापर झाल्यानंतर समाजाला ढुंकुनही विचारत नाहीत. धर्मगुरुनांही पोथी पुराणाशिवाय काही देणे घेणे नाही. या मंडळींवर विश्वास ठेवून समाज जगतोय, ही खूप मोठी शोकांतिका आहे. यांच्या भरवशावर राहिल्याने समाजाला ओहोटी लागली आहे. समाज बांधवांनो यापुढील येणारा काळ, वेळ खूप वाईट आहे. आतांच सावध व्हा. आपला विकास आपण साधण्यासाठी तयार व्हा. संघटीत व्हा, एक व्हा. एकमेकांच्या सुख दुःखात सहभागी व्हा .तुम्हाला कोणीही आडवे येणार नाही. ज्या ठिकाणी तुम्हाला अडचण येईल तेथे संघटना तुमच्यासोबत राहील.
- यावेळी लिंगायत महासंघाच्या अतनूर शाखेची स्थापना करण्यात आली. लिंगायत महासंघाच्या अतनूर शाखेच्या अध्यक्षपदी सुधाकर मुगदाळे यांची निवड करण्यात आली. यावेळी पंधरा जणांच्या कार्यकारिणीला मान्यता देण्यात आली.
याप्रसंगी लिंगायत महासंघाचे उदगीर शहराध्यक्ष भीमाशंकर शेळके, जळकोट तालुकाध्यक्ष शंकरराव धुळशेट्टे, तालुका सहसचिव बालाजी शिवशेट्टे, हणमंत भरडे, तालुका उपाध्यक्ष विजयकुमार कापसे, उदगीरचे बापुराव शेटकार, नळगीरचे माधवराव निंगदाळे गुरुजी, जळकोट कृषी उत्पन्न बाजार समितीचे सचिव गंगाधर सिद्धेश्वरे, प्राचार्य दत्तात्रय हाम्पल्ले, किशन मुंगदळे, बसवेश्वर सोप्पा, प्रदीप काळे यांच्यासह सुधाकर मुंगदळे, बाळू सासट्टे, शिवराज रेड्डी, रवीकुमार कल्पे, महावीर बिचकुंदे, दत्तात्रेय गळगे, विश्वनाथ हिंगणे, पांडुरंग कापसे, बाबुराव पंचगले, मनोहर मुग्धळे, किशन मुगळे, विजयकुमार कापसे, उमाकांत बिचकुंदे, बाबुराव कापसे, माधव रेड्डी आदी नूतन पदाधिकारी उपस्थित होते.