सैनिक कुटुंबियांच्या संरक्षणार्थ दि. ६ फेब्रुवारीला बैठक
कन्या न्यूज नेटवर्क||
सोलापूर : सोलापूर जिल्ह्यातील सैनिक व माजी सैनिक यांच्या कुटुंबियांना संरक्षण देण्यासाठी पोलीस अधीक्षक, सोलापूर ग्रामीण यांच्या अध्यक्षतेखाली दि. ६ फेब्रुवारी २०२५ रोजी सकाळी ११.३० वाजता पोलीस अधीक्षक सोलापूर ग्रामीण यांच्या दालनात जिल्हास्तरीय समितीची बैठक आयोजित करण्यात आलेली आहे.
तरी सोलापूर जिल्ह्यातील सर्व सैनिक व माजी सैनिकांनी आपल्या अडीअडचणी विषयक संपूर्ण दस्तवेज दोन प्रतीमध्ये सोबत घेऊन यावेत. पोलीस अधीक्षक सोलापूर ग्रामीण यांच्या दालनात सकाळी ११.३० वा. उपस्थित रहावे, असे आवाहन जिल्हा सैनिक कल्याण अधिकारी, सोलापूर यांनी केले आहे.