मतदार यादी पुनरिक्षण : जिल्हाधिकारी कुमार आशीर्वाद यांचे आवाहन
कन्या न्यूज नेटवर्क ||
सोलापूर : मतदार यादी पुनरिक्षण कार्यकमांतर्गत ऑक्टोबर २०२३ ते जानेवारी २०२४ या दरम्यान जिल्ह्यातील १ लाख ५६ हजार ९५० मृत, दुबार तसेच स्थलांतरीत मतदारांची नावे वगळण्यात आली होती. सदर वगळण्यात आलेल्या मतदारांपैकी ज्या मतदारांची चुकीने वगळणी झाली आहे. अशा मतदारांचे नाव, नमुना ६ अर्ज भरून पुनश्च: मतदार यादीत समाविष्ट करण्याची र्यवाही मतदार केंद्रस्तरीय अधिकारी यांच्यामार्फत सुरू आहे. याबाबत बीएलओ सोबत समन्वय ठेवण्यासाठी राजकीय पक्षांनी त्यांचे बुथ लेवल एजंट (बीएलओ) नेमण्याबाबत जिल्हाधिकारी तथा जिल्हा निवडणूक अधिकारी कुमार आशीर्वाद यांनी आवाहन केले आहे.
याबाबत राजकीय पक्षांची बैठका घेऊन अशी मोहीम सुरू असून, ज्या मतदारांची चुकीने नावे वगळणी झाली असेल त्यांचे नमुना ६ चे अर्ज बीएलओ यांचेकडून भरून देण्याबाबत सुचीत करण्यात आले आहे. जिल्ह्यातील सर्व राजकीय पक्षांनी बीएलओ यांची नेमणूक करून त्याची यादी जिल्हा निवडणूक कार्यालयास लवकरात लवकर सादर करावी, असे आवाहनही जिल्हाधिकारी तथा जिल्हा निवडणूक अधिकारी कुमार आशीर्वाद यांनी केले आहे.