*घटकाची माहिती खालील प्रमाणे:-

प्रकल्पाचे तांत्रिक निकष पुढील प्रमाणे:

प्रकल्पाचा मशिनरी हा महत्त्वाचा भाग असल्याने त्यावर कमीतकमी 60 टक्के खर्च करणे बंधनकारक राहील व प्रकल्पाचे बांधकाम हे गरजेपुरतेच असल्याने त्यावर जास्तीतजास्त 40 टक्के खर्च गृहित धरण्यात यावा. बांधकाम खर्चामध्ये प्रकल्पाच्या इमारत बांधकाम, विद्युत सुविधा उभारणी, वाळवणी आवार, साठवण गृह इत्यादी सर्व घटकांचा समावेश राहील.

तरी जिल्हयातील सर्वसाधारण, अनुसुचित जाती व अनुसुचित जमाती व इतर सर्व प्रवर्गातील शेतक- यांना आवाहन करण्यात येते की, वरील प्रमाणे घटकासाठी अधिकाधिक शेतक-यांनी महा-डीबीटी पोर्टल https://mahadbtmahait.gov.in या संकेतस्थळावर अर्ज करावेत. अधिक माहितीसाठी संबधीत नजीकच्या कृषी कार्यालयाशी संपर्क साधावा, असे आवाहन जिल्हा अधिक्षक कृषी अधिकारी डी.एस. गावसाने यांनी केले आहे. जिल्ह्यातील जास्तीत जास्त शेतकऱ्यांनी महाडीबीटी पोर्टलवर ऑनलाईन अर्ज करावेत असे आवाहन विभागाच्या वतीने करण्यात येत आहे.

अर्थसहाय्याचे स्वरुप :-

सर्वसाधारण क्षेत्रासाठी ग्राहय भांडवली प्रकल्प खर्चाच्या 40 टक्के रक्कम रू. 10.00 लाख आणि डोंगराळ व अधिसूचित क्षेत्रासाठी रक्क्म रू. 13.75 लाख ग्राहय भांडवली प्रकल्प खर्चाच्या 55 टक्के अर्थसहाय्य देय आहे. प्राथमिक प्रक्रिया केंद्र हा घटक स्वतंत्रपणे राबविण्यासाठी स्वतंत्ररित्या सदर घटकाच्या मार्गदर्शक सूचना दिलेल्या आहेत.

त्यानुसार लाभार्थी निवडीचे निकष असे असतील,  शेतकरी, शेतकरी उत्पादक गट, भागीदारी संस्था, मालकी संस्था, नोंदणीकृत स्वयंसहाय्यता गट, नोंदणीकृत उत्पादक संघ (ज्यामध्ये कमीतकमी 25 सदस्य असतील), शेतकरी उत्पादक कंपनी,  वैयक्तिक शेतकरी, भागीदारी संस्था, मालकी संस्था, नोंदणीकृत स्वयंसहाय्यता गट (ज्यामध्ये किमान 15 सदस्य असतील), शेतकरी उत्पादक कंपनी, कंपनी, शेतकरी गट यांचेसाठी अर्थसहाय्य हे बँकांशी निगडीत असून, (Credit Linked Back Ended Subsidy) बँक कर्जाच्या परताव्याच्या स्वरुपात अनुदान देय राहील.

 

एकात्मिक फलोत्पादन विकास अभियान : अनुसुचित जाती, जमाती प्रवर्गासाठी विविध घटकास अनुदान उपलब्ध

By Kanya News

सोलापूर : एकात्मिक फलोत्पादन विकाय कार्यक्रम या अंतर्गत सन 2024-25 या आर्थिक वर्षासाठी सोलापूर जिल्हयाचा रक्कम 20 कोटी 51 लाख 24 हजार कार्यक्रम राबविण्यास मंजुरीसाठी सादर करण्यात आले आहे.

या योजनेतील घटक ड्रॅगन फ्रुट, अॅवोकॅडो, सुट्टी फुले, मसाला पिके, फळबागा पुनरुज्जीवन, सामुहिक शेततळे, शेततळे अस्तरीकरीण, शेडनेट हाऊस, हरितगृह, प्लास्टिक मल्चिंग, डाळिंब पिकासाठी अँन्टी हेलनेट कव्हर, द्राक्ष बागांसाठी प्लास्टिक कव्हर, मधुमक्षिका वसाहत व मधुमक्षिका संच, ट्रॅक्टर 20 एचपी पर्यंत, पॉवर टिलर 8 एचपी पेक्षा जास्त व कमी, पिक संरक्षण उपकरणे, पॅक हाऊस, एकात्मिक पॅक हाऊस, पुर्व शीतकरण गृह, शीतखोली, शीतगृह, रेफरव्हॅन, रायपनिंग चेंबर, प्राथमिक प्रक्रिया केंद्र, एकात्मिक शीतसाखळी, कांदाचाळ, स्थाई फिरते विक्री केंद्र शीत चेंबरच्या सुविधेसह इत्यादी घटकांचा समावेश आहे.

लाभार्थी निवडीचे निकष पुढीलप्रमाणे:- लाभार्थी शेतक-यांच्या नावे स्वतःची शेत जमिन असणे आवश्यक आहे.  शेतकरीकडे फलोत्पादन पिके असणे आवश्यक राहील. तरी जिल्हयातील अनुसुचित जाती व अनुसुचित जमाती व इतर प्रवर्गातील सर्व शेतक-यांना आवाहन करण्यात येते की, वरील प्रमाणे घटकाचा लाभ घेण्यासाठी अधिकाधिक शेतक-यांनी महा-डीबीटी पोर्टल https://mahadbtmahait.gov.in या संकेतस्थळावर अर्ज करावेत. अधिक माहितीसाठी संबधीत नजीकच्या कृषि कार्यालयाशी संपर्क साधावा. असे आवाहन  जिल्हा अधिक्षक कृषि अधिकारी  डी. एस. गावसाने यांनी केले आहे.