कन्या न्यूज सेवा: सोलापूर, दि. २३ ऑक्टोबर-
चंदीगड येथे झालेल्या ऑल इंडिया रेड बुल स्पर्धेत सोलापूरचा सुवर्ण स्पोर्टस् अकॅडमीचा डावखुरा फिरकी गोलंदाज आणि राष्ट्रीय क्रिकेटपटू शुभम अशोक कोठारी याने मराठवाडा वाणिज्य महाविद्यालय, पुणे संघाच्या विजयात महत्वपूर्ण भूमिका बजाविली आहे. त्याच्या कामगिरीच्या जोरावर मराठवाडा वाणिज्य महाविद्यालय,पुणेचा संघ पुढील आंतरराष्ट्रीय स्पर्धेसाठी पात्र ठरला आहे. या सामान्यमध्ये तो अंतिम ११ जणांच्या संघातील महत्वाचा खेळाडू होता. पण ऐन शेवटच्या क्षणी त्याला दुखापत झाली. त्याच्या हाताच्या अंगठ्याला दुखापत झाली. त्यामुळे तो या सामन्यात खेळू शकला नाही. पण त्याचा संघ तीन लीग सामने, उपांत्य आणि अंतिम सामना जिंकून पुढील आंतरराष्ट्रीयस्पर्धेसाठी पात्र झाला आहे.
